Dy kulla mes pallateve në Vlorë/ Punimet kthejnë oborrin në grumbullim ujërash të zeza, banorët denoncojnë zaptimin e hapësirës së përbashkët

Një denoncim ka mbërritur në redaksinë e “PiranjatNews” nga banorë të një lagjeje në Vlorë, të cilët ngrenë shqetësimin për ndërtimin e dy kullave mes pallateve, duke u bllokuar oborrin.

Sipas denoncimit të mbërritur në redaksi, për ndërtimin e dy kullave është zaptuar hapësira e përbashkët e tyre. Banorët pretendojnë gjithashtu se kantieri është kthyer në një problem serioz për jetën e përditshme në lagje, pasi punimet kanë shkaktuar dëmtime në tubacionet e ujërave të zeza.

“Po bëhen dy kulla në mes të lagjes duke zaptuar oborret e qytetarëve dhe duke e kthyer kantierin në një shesh ku mblidhen të tera ujërat e zeza. Na kanë shkatërruar tubacionet e ujërave të zeza”, thuhet në denoncimin e mbërritur. /PiranjatNews/