Denoncimi/ Pamje skandaloze: Gjiri i Dafinës në Karaburun mbulohet nga mbeturinat

Një denoncues ka dërguar në redaksinë e Pirannat news pamje shqetësuese nga Gjiri i Dafinës në Karaburun, ku shihen mbeturina të shpërndara në breg pasi koshat e plehrave janë përmbysur.

Sipas denoncuesit, sot nuk u arrit të bëhej pastrimi i zonës për shkak të pamundësisë, ndërsa apelon për më shumë ndërgjegjësim nga vizitorët.

"E kanë kthyer Gjirin e Dafinës në Karaburun në kosh plehrash. Morëm sa kishim mundësi sot, sepse nuk arritëm t'i pastronim të gjitha.

Kur do të mësojnë njerëzit që mbeturinat që marrin me vete t'i kthejnë mbrapsht?

Edhe kur koshat janë të mbushur apo të përmbysur, nuk duhet t'i lënë në natyrë," shprehet denoncuesi për Piranjat News./ piranjat.news