Denoncimi/ Pamje skandaloze nga Droboniku i Beratit! Banorët: Rruga po na shkatërron makinat çdo ditë

Një denoncim ka mbërritur në redaksinë e Piranjat News, nga banorë të fshatit Drobonik, në Bashkinë Berat, të cilët ngrenë shqetësimin për gjendjen e rënduar të rrugës që lidh zonën me pjesën tjetër të fshatit. Sipas tyre, rruga është lënë prej kohësh në harresë, ndërsa kalimi në të është kthyer në një sfidë të përditshme për drejtuesit e mjeteve. Në mesazhin e dërguar, shkruhet:

"Jemi banorë të fshatit Drobonik, në Bashkinë Berat. Kemi vuajtur shumë për problemin e kësaj rruge dhe nuk po marrim asnjë zgjidhje. Këtu kalojmë çdo ditë dhe po na dëmtohen amortizatorët, gomat dhe mjetet. Videoja flet vetë."

Pamjet e dërguara në redaksinë tonë tregojnë një rrugë të mbuluar me gurë, gropa dhe sipërfaqe të degraduar, e cila vështirëson lëvizjen e automjeteve dhe rrezikon sigurinë e banorëve.

Banorët kërkojnë nga Bashkia Berat dhe institucionet përgjegjëse të ndërhyjnë sa më parë për rikonstruksionin e segmentit rrugor, duke theksuar se situata është bërë e papërballueshme dhe se çdo ditë u shkakton dëme ekonomike./Përktheu Piranjat News