Teksa largohej nga mbledhja e ditës së parë me ministrat në Pogradec, kryeministri Edi Rama u afrua i ngrysur tek Mercedesi Benz S-Class, ...
AKTUALITET
Detajet nga krimi tronditës në Malishevë/ Gruaja shtatzënë, gati për të lindur, humbi jetën, burri i saj i plagosur. Çifti u gjet me plagë arme në dhomën e gjumit
PiranjatPërditësimi i fundit 24 Gusht 2026, 09:37
Një ngjarje e rëndë ka tronditur mbrëmjen e së dielës fshatin Kërvasari të Malishevës, ku një çift bashkëshortësh u gjet i plagosur nga të shtënat me armë zjarri. Gruaja ndërroi jetë pak orë më vonë në Qendrën Klinike Universitare të Kosovës (QKUK), ndërsa bashkëshorti i saj vijon të marrë trajtim mjekësor.
Policia e Kosovës bëri të ditur se është njoftuar për rastin më 23 gusht 2026, rreth orës 23:20. Njësitë policore mbërritën menjëherë në vendngjarje, ku në një dhomë gjumi gjetën të plagosur burrin dhe gruan e tij.
Të dyve iu dha ndihma e parë dhe më pas u transportuan në QKUK për trajtim të specializuar. Gjatë ekzaminimit të vendit të ngjarjes, Policia gjeti dhe sekuestroi një armë zjarri, e cila dyshohet se është përdorur në incident. Rreth orës 01:10, autoritetet u njoftuan nga QKUK se gruaja, e moshës madhore, kishte ndërruar jetë si pasojë e plagëve të marra. Sipas të dhënave të deritanishme, viktima ishte shtatzënë në javën e 34. Prokurori i shtetit ka dalë në vendin e ngjarjes dhe, me vendimin e tij, rasti është iniciuar si “Vrasje e rëndë”.
Ndërkohë, bashkëshorti i viktimës ndodhet në QKUK, ku po merr trajtim mjekësor. Hetimet vijojnë për të zbardhur plotësisht rrethanat e ngjarjes, përfshirë mënyrën se si janë shkaktuar plagët, motivin e mundshëm dhe rrethanat në të cilat është përdorur arma e zjarrit. Deri në këto momente, autoritetet nuk kanë bërë të ditur një motiv zyrtar për ngjarjen.
