“Dilni në protestë dhe largoni frikën”/ Pedagogu Lush Susaj: Politika të qëndrojë larg protestës, korrupsioni ka vështirësuar jetën

Petagogu Lush Susaj i ka bërë thirrje të gjithë qytetarëve shqiptarë të dalin të protestë dhe të largojnë frikën. Duke folur para Kryeministrisë, petagogu tha se politika duhet të qëndroj larg protestës.

Më tej, Susaj i bëri thirrje punonjësve të shkollave dhe universiteteve që t'i bashkohen protestës. Ai theksoi se korrupsioni po ua vështirëson jetën qytetarëve shqiptarë.

Pedagogu Lush Susaj: Kjo protestë është shpëtimi i Shqipërisë. Kjo protestë e shpëtoi Shqipërinë nga zhdukja. Kjo protestë i bëri shqiptarët me reagu. Kjo është protesta e rinisë, i lutem të gjitha forcave politika të dalë nga mitra e përgjakur e partisë së punës, të qëndrojnë larg protestës. Por kush është shqiptar e bij shqiptari ti bashkangjitet protestës.

I bëj thirrje punonjësve të shkollave e universiteteve, çdo punonjës, nuk mund të cenohet. Jetojmë në mes të Europës dhe jo në mes të Afrikës. Dilni në protestë dhe largoni frikën. I bëj thirrje fermerëve të lënë jashtë çdo kujdesi, emigrantëve që vijnë për pushime të vijnë në protestë. 35% u vjedh qeveria, sepse korrupsioni ia ka vështirësuar jetën.