16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Erion Isai hap biznes, fut në bord Altin Bashën dhe miken e deputetes së Ramës
Nga Elton QynoPërditësimi i fundit 10 September 2026, 11:50
Një shoqëri e re aksionere është hapur së fundi nga një institucion publik, siç është bashkia Kolonjë që drejtohet nga kryetari, i pandehur nga SPAK, Erion Isai.
Shoqëria është rregjistruar në Qëndrën Kombëtare të Biznesit në 1 Prill 2026, pikërisht në një datë që njihet si “Dita e Gënjeshtrave”
Gazetari Elton Qyno ka mësuar se në krye të kësaj shoqërie aksionere qëndrojnë dy zyrtarë publikë si Erion Isai përfaqësues i Bashkisë Kolonjë dhe Ermal Zylfo administrator i “Green Kolonja”.
Të dy personazhet e mësipërm prej disa muajsh janë marë të pandehur nga SPAK, për akuzën “Shkeljes së pabarazisë në tendera” me vlerë 30 mln euro dhe se tashmë procesi ndaj tyre është në fazën e nisjes së gjykimit.
Siç rezulton dhe në dokumentat zyrtare administrator Ermal Zylfo do mbajë këtë post për një periudhë 3 vjeçare, deri në datën 23 Mars 2029.
Ndërsa pjesëtarët e bordit mbikqyrës së kësaj shoqërie aksionere të hapur nga bashkia e Kolonjës janë Altin Basha ish-regjizori i “Portokallisë”, ku ka qënë aktor dhe Erion Isai, gazetarin Ilir Jano dhe kryetare bordi e “Green Kolonja” është emëruar Boralda Lalollari, e cila është shoqja e besuar dhe mikeshë e deputetes së PS, Elisa Spiropali.
Lalollari, rezulton të jetë kryetare bordi edhe tek Shoqëria aksionere Ujësjellës-Kanalizimi Erseka. Sipas ekstraktit të shoqërisë aksionere Green Kolonja objekti i saj është:
“...ofrimi i shërbimeve në fushën e agroturizmit, agrikulturë, turistikë ujore, trajtim diferencim të mbetjeve urbane/organike dhe çdo investim të lidhur me to, projektim, ndërtim, rindërtim, zhvillimin bujqësor, rural,turistik agroturistik, zhvillimin dhe përpunimin lëndë drusore, produkte blegtorale e bujqësore, zhvillim teknologjik në zbatim të ndërtimeve të gjitha llojeve...”.
Qqë nga dita e themelimit të kësaj shoqërie aksionere, Bashkia Kolonjë rezulton të ketë bërë dy pagesa në llogari të “Green Kolonja”. E para pagesë është 50 milion lekë të vjetra e cila është kryer në 30 Prill 2026 për aktin e Themelimit dhe kapitalin.
Ndërsa pagesa e dytë është bërë në 25 qershor 2026, në vlerën prej 43 milion e 600 mijë lekë të vjetra sërisht për aktet e themelimit të shoqërisë.
Sipas aktit të themelimit qëllimi i krijimit të kësaj shoqërie është që nëpermjet aktivitetit tregtar, sipas objektit të përcaktuar më poshtë
“...të përmbushë funksionin vendor për ndërtimin, rehabilitimin dhe mirmbajtjen e rrugëve vendore dhe sinjalizimit rrugor, të trotuareve dhe shesheve publike vendore, parkimet, parqet, lulishtet dhe hapësirat e gjelbra publike, mbledhjen, largimin dhe trajtimin e mbetjeve të ngurta dhe shtëpiake, planifikimin, administrimin, zhvillimin dhe kontrollin e territorit, zhvillimin bujqësor-rural, turistik agroturistik, zhvillimin dhe përpunimin lëndë drusore, produkte blektorale e bujqësore, zhvillim teknonogjik sipas menyrës se përcaktuar me ligj dhe shërbimin publik, sikurse parashikohet nga kuadri ligjor e nënligjor në fuqi...”./ Syri net
