Deputetja e Partisë Demokratike, Jorida Tabaku, ka reaguar ndaj mënyrës se si qeveria po i paraqet të dhënat e fundit të eksport...
AKTUALITET
“Doja të merrja hakun e vëllait”, lihet në burg 52-vjeçari që dështoi të vriste Kërtezin në Elbasan, çfarë tha para trupës gjykuese
PiranjatPërditësimi i fundit 18 Gusht 2026, 16:09
Gjykata e Elbasanit vendosi masën e sigurisë “arrest me burg” ndaj Poli Boriçit i akuzuar për tentativë vrasje ndaj Ermir Kërtezit, në një atentat të mbetur në tentativë.
Prokuroria kërkoi burg për 52 vjeçarin me akuzën e “Vrasjes së mbetur në tentativë” dhe “Armëmbajtjes pa leje”. Përmes avokatit të caktuar kryesisht Boriçi mësohet të ketë deklaruar, në seancën me dyer të mbyllura, se nuk donte të vriste Kërtezin, por ta frikësonte, raporton korrespondentja e Top Channel Bruna Kërçyku.
Ngjarja e rëndë ndodhi mesditën e së shtunës në një lokal në Elbasan teksa 52 vjecari Poli Boriçi i vuri pistoletën në kokë Ermir Kërtezi ndërsa ky i fundit u largua me vrap. Dyshohet se autorit ju bllokua arma në momentin e fundit. Ai u arrestua vetëm pak minuta pas ngjarjes.
Në deklaratën fillestare të dhënë në polici, Boriçi u shpreh se donte të merrte hakun e vëllait të cilin, sipas tij, Kërtezi e kishte plagosur 15 vite më parë duke e lënë të paralizuar.
Nga ana tjetër 50 vjeçari Ermir Kërtezi mësohet të ketë deklaruan para prokurorëve se mes dy familjeve fqinje, marrëdhëniet ishin normalizuar prej vitesh.
