Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Drejtoresha e Postës ku u vodhën 3mln euro me tre funksione publike - Familjarë të bashkëshortit u arrestuan në dosjen e pronave
PiranjatPërditësimi i fundit 19 Korrik 2026, 15:07
Drejtoresha e Postës në qendër të skandalit me 3 milionë euro, rezulton me tre funksione publike; familjarë të bashkëshortit u arrestuan në dosjen e pronave
Skandali i dyshuar i vjedhjes së rreth 3 milionë eurove në Postën e Durrësit ka nxjerrë në pah edhe pozicionet e shumta publike të drejtoreshës së filialit Elisabeta Mataj, e cila, përveç drejtimit të Postës, rezulton të ketë ushtruar edhe funksione të tjera në institucione publike.
Sipas dokumenteve, ajo ka qenë anëtare e Bordit të Autoritetit Portual Durrës (Vendimi nr. 4), si edhe anëtare e Këshillit Bashkiak të Durrësit (Vendimi nr. 21), ndërkohë që njëkohësisht drejtonte edhe filialin e Postës Shqiptare në qytet.
Në të njëjtën kohë, bashkëshorti i saj, Fetao Mataj, rezulton të jetë koordinator i Partisë Socialiste për zonën e Porto Romanos në Durrës.
Një tjetër element që tërheq vëmendjen është se vetëm pak ditë më parë, në kuadër të operacionit për goditjen e abuzimeve me pronat në Durrës, u arrestuan Arianit Mataj dhe Viktor Mataj, të cilët janë vëllezërit e Fetao Matajt. Sipas autoriteteve, ata dyshohen për përfshirje në falsifikim dokumentesh dhe abuzime me pronat.
Deri në këtë fazë nuk ka asnjë të dhënë zyrtare që lidh procedimin penal ndaj familjarëve të bashkëshortit me çështjen e Postës. Megjithatë, fakti që në të njëjtin rreth familjar gjenden një drejtuese e një institucioni shtetëror, një funksionar politik lokal dhe dy persona të arrestuar në një tjetër dosje të bujshme ka shtuar interesin publik për transparencë dhe hetim të plotë nga organet kompetente.
Hetimet për skandalin në Postën e Durrësit vijojnë, ndërsa pritet që organet e drejtësisë të hedhin dritë mbi përgjegjësitë penale dhe administrative të secilit person të përfshirë.
