Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
AKTUALITET
Drejtori i Pyjeve dhe Kullotave pjesë e task forcës APR: Situata në zonën Priskë–Gurë–Lundër është stabilizuar ndjeshëm
PiranjatPërditësimi i fundit 13 August 2026, 19:20
Situata e zjarrit në zonën Priskë – Gurë – Lundër është stabilizuar ndjeshëm, ndërsa në terren vijon monitorimi i zonës nga ekipet e angazhuara për menaxhimin e situatës. Drejtori i Pyjeve dhe Kullotave, pjesë e Task-Forcës së Agjencisë së Parqeve dhe Rekreacionit (APR), bën me dije se në terren kanë mbetur vetëm disa vatra të vogla, kryesisht brenda sipërfaqeve të djegura.
Deklarata e plotë
Situata në zonën Priskë – Gurë – Lundër është stabilizuar ndjeshëm. Në terren kanë mbetur vetëm disa vatra të vogla, kryesisht brenda sipërfaqeve të djegura, pa rrezikshmëri për përhapje të mëtejshme.
Inspektorët e Pyjeve dhe Task-Forca APR, në bashkëpunim të ngushtë me shërbimin zjarrfikës, vijojnë monitorimin intensiv të zonës dhe ndërhyrjen në ato pjesë që është e nevojshme. Pikat e kontrollit janë të përcaktuara dhe ekipet janë në koordinim të vazhdueshëm për çdo situatë apo riaktivizim të mundshëm të vatrave.
Monitorimi në Priskë – Gurë – Lundër vijon në mënyrë të pandërprerë, ndërsa çdo vatër e vogël e evidentuar po mbahet nën kontroll dhe po trajtohet menjëherë, me qëllim garantimin e sigurisë dhe parandalimin e çdo mundësie për përhapje të zjarrit.
