Një përleshje e dhunshme ku përfshiheshin afërsisht 15 persona u regjistrua të shtunën në Athinë, Raportohet se pas ngja...
AKTUALITET
Drejtoria e Burgjeve ndryshime në burgun e Durrësit dhe Fushë Krujës, largohen drejtuesit
PiranjatPërditësimi i fundit 25 Prill 2026, 10:43
Drejtoria e Përgjithshme e Burgjeve ka nisur një valë riorganizimi në nivelet e drejtuesve të sistemit penitenciar, duke ndryshuar zinxhirin komandues në atë të Fushë-Krujës dhe Durrësit.
Në burgun e Fushë Krujës është liruar drejtori Apostol Luca dhe në vend të tij është vendosur Ervis Dedej. Bashkë me drejtorin e ri, në postin e Shefit të shtetit është emëruar Kryekomisar Fatjon Sadikaj. Ndërsa në burgun e Durrësit është vendosur drejtor Serjan Mazrreku dhe në postin e Shefit të shtetit është emëruar Kryekomisar Florian Masha.
Njoftimi:
Në kuadër të rritjes së sigurisë dhe përmirësimit të menaxhimit në sistemin penitenciar, janë ndërmarrë ndryshime në drejtimin e disa Institucioneve të Ekzekutimit të Vendimeve Penale.
Në IEVP Fushë-Krujë është riorganizuar zinxhiri komandues, duke u liruar nga detyra drejtori Apostol Luca. Në këtë detyrë është emëruar z. Ervis Dedej, me eksperiencë të gjatë në sistemin e burgjeve. Gjithashtu, Shef i Policisë është emëruar kryekomisar Fatjon Sadikaj, me mbi 20 vite përvojë në Policinë e Burgjeve.
Ndërkohë, në IEVP Durrës është emëruar drejtor z. Serjan Mazrreku, me eksperiencë në administratë dhe në fushën ligjore, si dhe Shef i Policisë kryekomisar Florian Masha, me karrierë të gjatë në radhët e Policisë së Shtetit.
Këto lëvizje synojnë forcimin e përgjegjshmërisë, rritjen e kontrollit dhe vendosjen e standardeve më të larta në funksionimin e institucioneve penitenciare.
