Kryetari i Partisë Demokratike, Sali Berisha, priti një delegacion përfaqësuesish të partisë simotër italiane, Fratelli d&rs...
AKTUALITET
“Drogo një shtet që nëna jote të jetojë si mbretëreshë”, të rinjtë shqiptarë adhurojnë “çunat e krimit”
Nga Xhuljan FerzajPërditësimi i fundit 7 September 2026, 11:06
Gjatë një hulumtimi në Instagram, Facebook, Tik-Tok, dalin në pah se disa faqe si “DARKEAGLE.AL” “Black Daja”, “Fantazma 777”, “Banda 313”, ku “adhurohen” dhe personifikohen personazhet e botës së krimit në Shqipëri.
Emiljano Shullazi, Endrit Dokles, Ervis Martinaj, Brilant Martinaj, Laert Haxhiu, Aldo Bare, Safet Bajri, Denis Bajri, Ibrahim Lici, Banda e “Rrajave” vlerësohen për krimet që kanë kryer, pavarësisht se bëhet fjalë për vrasje, rrëmbime, përdhunime, shitje lëndësh narkotike, vendosje tritoli dhe gjobëvënie që arrijnë deri në 5 milionë euro.
“Ju më harruat, por unë nuk ju harrova kurrë”, ky është mesazhi që shoqëron një postim dedikuar Laert Haxhiut, një ndër personazheve më të frikshme të botës së krimit në Lushnje. I akuzuar për disa vrasje së bashku me Orest Bilbilin. Grup kriminal i krijuar për tu hakmarrë ndaj bandës së Aldo Bares, të afërmve të tij dhe anëtarëve të këtij grupi kriminal.
Në një postim për Ervis Martinaj, të njohur gjerësisht në botën e krimit, tashmë i zhdukur, paraqitet si personazh frymëzues, fotoja shoqërohet me shprehjen “Dimri po vjen, ujqërit do të kthehen përsëri dhe këtë herë janë më të uritur se kurrë.” Ndërsa Safet Bajrin e paraqesin si njeri me burrëri dhe hakmarrës: “Loja sjell pasoja por prapë fëmijët këqyrin me lujt”.
Emiljano Shullazi një ndër grupet që shtrinte aktivitetin kriminal në Tiranë, Durrës dhe Fushë-Krujë, konsiderohet si “bos” që nuk fal askënd dhe me norma tipike të mafiozëve.
“Kur nuk ke zgjidhje të mirë. E keqja të tërheq fortë”, kjo është një ndër shprehjet që postohet në emër të Emiljano Shullazit, pavarësisht se ky i fundit mund të mos i ketë qejf aspak librat, shprehjet filozofike, arsimimin, por imagjinata e të rinjve shqiptarë që nxiten nga dëshira për tu pasuruar brenda ditës, për të patur lekë, makina të shtrenjta, prona dhe emër të madh në botën e krimit. Eldi Dizdarin, të akuzuar për trafikim të kokainës në publikimet e rrjeteve sociale e shoqërojnë me muzikë që në sfond ka vrasjet, drogën dhe jetën luksoze. “Drogo një shtet që nëna jote të jetoj si mbretëreshë”, shprehje që postohet në emër të Dizdarit.
“Çunat e krimit”, do të habiteshin me kaq shumë fansa sa kanë që janë të gatshëm të ndjekin rrugën e tyre, pavarësitë rrezikut që ka.
“Eljo Hato, ushtari i vetmuar, i vetmi që nuk e harroi Ervis Martinajn, i vetëm por besnik, i patrembur dhe kundër te gjithëve, nuk do të falet askush”, kjo thënie i dedikohet të shumë kërkuarit nga Policia e Shtetit, Ejo Hatos./Piranjat News
