Një javë më parë, kreu i Sindikatës së Pavarur të Punonjësve të Policisë së Shtetit, Sadetin Fishta, deno...
AKTUALITET
“Duhet ma ndërru telin o Red!”, shënimi misterioz që po hetohet si provë në dosjen e Ylli Zallës
PiranjatPërditësimi i fundit 24 August 2026, 14:48
Një shënim me porosinë “Duhet ma ndërru telin o Red,”, i gjetur pranë banesës së Ylli Zallës, po analizohet nga policia si provë që mund të lidhet me komunikimet telefonike dhe aktivitetin e tij të dyshuar. Hetuesit po verifikojnë gjithashtu armët, municionet dhe lidhjet e mundshme të Zallës me vrasjen e Rinasit.
“Duhet ma ndërru telin o Red, kujdes me tel”.
Ky është mbishkrimi i gjetur në një copë letre të bardhë, brenda rrethimit të banesës së Ylli Zallës, dhe që tashmë po analizohet nga Policia e Shtetit si një provë që mund të ndihmojë në zbardhjen e aktivitetit të tij të dyshuar.
Armët e gjetura në afërsi të banesës së Zallës, megjithatë, deri tani nuk duket se u kanë dhënë hetuesve prova të drejtpërdrejta për autorësinë.
Nga disa akt-ekspertime të kryera nuk janë përfituar gjurmë papilare që mund të lidhnin armët apo municionet me persona të caktuar.
Pavarësisht pretendimit të Zallës se armët i përkasin ushtrisë, policia ka gjetur edhe disa bomba, të cilat në dukje janë të montuara me telefona “Nokia”, duke ngritur dyshime se mund të jenë prodhuar ose modifikuar së fundmi.
Përveç armëve të zjarrit, akt-ekspertimit pritet t’i nënshtrohen edhe të paktën 2 mijë municione të ndryshme, të gjetura pranë banesës së Ylli Zallës, e cila një javë më parë u dëmtua nga një shpërthim me tritol.
Për këtë ngjarje, policia dyshon se shpërthimi mund të ketë qenë i qëllimshëm dhe i inskenuar nga vetë Zalla, me synimin që më pas të përdorej si argument për kërkim azili politik, për shkak të problemeve që ai pretendon se ka me Policinë e Shtetit.
Aktualisht, Ylli Zalla ka në ngarkim veprat penale të armëmbajtjes pa leje dhe prodhimit të narkotikëve, lidhur me materialet e gjetura në afërsi të banesës, por nuk është akuzuar për përfshirje në vrasjen e Rinasit.
Megjithatë, policia po heton edhe lidhjet e mundshme të tij me atë ngjarje, pasi ka dyshime se automjeti i përdorur në krim mund të ketë dalë pikërisht nga fshati Zall, në Fushë-Krujë.
Një sërë analizash të komunikimeve telefonike të Zallës dhe bashkëshortes së tij kanë treguar se, nga 1 tetori 2025 deri më 20 nëntor 2025, NUK janë evidentuar thirrje hyrëse dhe dalëse.
Ndërkohë, pavarësisht versionit të policisë se Ylli Zalla është arrestuar, ai ka deklaruar në gjykatë se është dorëzuar vetë, pasi ka frikë për jetën.
