Teksa largohej nga mbledhja e ditës së parë me ministrat në Pogradec, kryeministri Edi Rama u afrua i ngrysur tek Mercedesi Benz S-Class, ...
AKTUALITET
VIDEO/ Dy fshatra me rreth 500 banorë në Kukës pa rrugë. Denoncimi: Bashkia nuk hedh as zhavorr! Na rrezikohet jeta
PiranjatPërditësimi i fundit 24 Gusht 2026, 20:31
Një denoncim i mbërritur pranë redaksisë së “Piranja News” ngre shqetësimin për gjendjen e rënduar të infrastrukturës rrugore në fshatrat Zapod dhe Orgjost, në rrethin e Kukësit. Sipas qytetarit që ka bërë denoncimin, në këtë zonë jetojnë rreth 300 deri në 500 familje, të cilat përballen me mungesën e rrugës.
“Bëhet fjalë për fshatrat Zapod dhe Orgjost në rrethin e Kukësit. Aty jetojnë rreth 300 deri në 500 shtëpi krejtësisht të izoluara, pa asnjë metër rrugë të shtruar. Infrastruktura është në një gjendje aq të mjerueshme sa as rrugët e bjeshkëve që përdoren vetëm gjatë verës nuk janë në atë katandisje”, thuhet në denoncim. Sipas tij, banorët kërkojnë ndërhyrje që t’u mundësojë kalimin normal dhe të sigurt të automjeteve.
“Banorët nuk kërkojnë as mrekulli e as autostradë, por të paktën të sillën mjete për t’i mbushur gropat e mëdha me zhavorr e për ta niveluar, që të mund të kalojë një makinë pa u shkatërruar e pa rrezikuar jetën”, vijon denoncimi.
Qytetari ngre shqetësime edhe për mënyrën se si pushteti vendor ka reaguar ndaj kërkesave të banorëve. Sipas denoncimit, kryepleqtë e zonës i janë drejtuar kryetarit të bashkisë për një ndërhyrje minimale, por përgjigjja ka qenë se nuk ka fonde.
“Më e rënda është përgjigjja e pushtetit lokal: Kur kryepleqtë kanë kërkuar llogari te kryetari i bashkisë qoftë edhe për një ndërhyrje minimale, përgjigjja e tij ka qenë: ‘S’ka fonde! Po deshe rri, po deshe jep dorëheqjen e ik!’ A është kjo gjuha e një drejtuesi institucioni?”, thuhet në denoncim. /PiranjatNews/
