Dy të paraburgosur dhunojnë gardianin në burgun e Reçit

Dy të paraburgosur në IEVP Reç kanë ushtruar dhunë ndaj një punonjësi të Policisë së Burgjeve, duke kundërshtuar autoritetin dhe duke shkaktuar dëme materiale në ambientet e institucionit.

Ngjarja është konfirmuar nga Drejtoria e Përgjithshme e Burgjeve, e cila ka reaguar pas incidentit.

Punonjësi i dëmtuar ka marrë ndihmën e nevojshme mjekësore dhe aktualisht ndodhet jashtë rrezikut për jetën.

Ndaj dy të paraburgosurve, A.Gj dhe F.D, janë marrë masa disiplinore dhe ligjore.

Ata do të qëndrojnë në regjim të veçantë izolimi për tre muaj, ndërkohë që ndaj tyre është hapur procedim penal për tre vepra penale, në bashkëpunim me Shërbimin e Kontrollit të Brendshëm të Burgjeve.

Gjithashtu, është vendosur transferimi i tyre në një institucion të sigurisë së lartë.