Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Dyshohet se furnizonte lokalet e natës me kokainë, arrestohet 19-vjeçari
PiranjatPërditësimi i fundit 18 December 2025, 13:43
Një 19-vjeçar është arrestuar nga policia, pasi akuzohet se furnizonte lokalet me drogë.
Burime zyrtare nga policia bënë me dije se pas hekurave ra shtetasi Glejdis Vata.
Njoftimi i policisë:
Tiranë/Operacione të njëpasnjëshme kundër prodhimit dhe shitjes së narkotikëve. Finalizohet nga Seksioni për Hetimin e Narkotikëve, operacioni policor i koduar “Night”. Arrestohet në flagrancë një 19-vjeçar që siguronte Kokainë, e ndante në doza dhe e shiste në lokale në zona me frekuentim të lartë në kryeqytet. Sekuestrohet sasia e lëndës narkotike Kokainë që iu gjet me vete të riut, në momentin e arrestimit.
Si rezultat i administrimit të shpejtë të informacioneve të siguruara në rrugë operative, për një shtetas që shiste lëndë narkotike Kokainë, në doza, kryesisht në lokale nate, në rrugët “Papa Gjon Pali II” dhe “Mustafa Matohiti”, specialistët e Seksionit për Hetimin e Narkotikëve finalizuan operacionin “Night”. Në kuadër të operacionit, u kap në flagrancë dhe u vu në pranga shtetasi G. V., 19 vjeç, banues në Tiranë.
Gjatë kontrollit fizik, atij iu gjet dhe iu sekuestrua me cilësinë e provës materiale, sasi lënde e dyshuar narkotike Kokaine, e ndarë në doza, gati për shitje. Materialet procedurale iu referuan Prokurorisë së Tiranës, për veprime të mëtejshme.
