Ka qenë ministrja për Shtetin dhe Parlamentin, Erjona Ismaili, ajo që ka reaguar pas mbledhjes së qeverisë lidhur me akuzat e pretend...
AKTUALITET
E akuzoi për abuzim seksual, drejtuesja shqiptare e “JPMorgan” padit për shpifje ish bankierin
PiranjatPërditësimi i fundit 20 Maj 2026, 12:47
Drejtuesja ekzekutive e JPMorgan, Lorna Hajdini, ka ngritur një kundërpadi kundër ish-bankierit Chirayu Rana, duke e akuzuar atë për fabrikim pretendimesh se ajo e përdori atë si “skllavin e saj seksual”.
Padia për shpifje, e ngritur në Gjykatën Supreme të Shtetit të Nju Jorkut të martën (19 maj), pretendon se Rana orkestroi një fushatë disamujore akuzash të rreme që u bënë virale muajin e kaluar dhe shkatërruan karrierën e saj, duke dëmtuar njëkohësisht reputacionin e saj.
“Zonja Hajdini mohon kategorikisht dhe pa mëdyshje çdo akuzë për sjellje të paligjshme. Këto akuza janë tërësisht të rreme, keqdashëse dhe të sajuara, dhe u sajuan për qëllim të papërshtatshëm të pasurimit personal në kurriz të të pandehurve dhe të të tjerëve”, thuhet në padi sipas New York Post.
Avokati i Hajdinit theksoi se qëllimi kryesor i Ranës ishte të shkatërronte reputacionin e klientes së tyre për ndikim financiar dhe të zhvaste miliona dollarë prej saj dhe bankës. Ata gjithashtu pretenduan se Rana kishte ngritur padi të ngjashme për ngacmim seksual në një punë të mëparshme.
“Paditësi shpiku akuza të çuditshme të ngjashme të sajuara për sjellje të pahijshme seksuale kundër një mbikëqyrësi në një vend të mëparshëm punësimi. Znj. Hajdini kërkon të mbrojë emrin e saj, të zbusë dëmin e konsiderueshëm që i është shkaktuar dhe ta mbajë paditësin përgjegjës për sjelljen e tij të shthurur dhe të paligjshme”, thuhet në dosjen gjyqësore.
Gjithçka nisi në muajin prill, ku Chirayu Rana, duke përdorur pseudonimin “John Doe”, paditi si Hajinin edhe JPMorgan. Ai përshkroi muaj të tërë ngacmimi seksual, poshtërim racor dhe kërcënime. Padia përfshinte akuza se Rana ishte detyruar të kryente takime seksuale që ai nuk donte. Ai pretendonte se Hajdini përdori fyerje me akuza raciste dhe se ajo e drogoi.
JPMorgan reagoi dhe tha se pas një hetimi të kryer, akuzat e tij nuk mbështetesin në asnjë fakt. Banka deklaroi se shumë punonjës bashkëpunuan me hetimin, ndërsa vetë Rana refuzoi të merrte pjesë ose të dorëzonte prova.
Një nga pretendimet kryesore të Rana ishte se Hajdini e kishte kërcënuar me ulje bonusi nëse nuk pranonte të kryente marrëdhënie me të. Megjithatë, sipas dokumenteve të burimeve njerëzore të siguruara nga mediat amerikane, Hajdini nuk kishte autoritet mbi promovimin apo kompensimin e tij financiar, pasi të dy raportonin tek drejtues të ndryshëm brenda bankës.
