Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
“E premtja e zezë”, e-Albania, sërish nuk punon
PiranjatPërditësimi i fundit 10 Prill 2026, 12:47
E-Albania duket se i ka filluar pushimet përpara kohe.
Nuk është më as lajm që të themi se sistemi SelfCare që menaxhohet nga e-Albania nuk punon, sepse në fakt tani lajm është kur punon. Edhe gjatë ditës së sotme, që njihet dhe si e “Premtja e zezë” dhe pas saj është fundjava dhe e hëna pushim, bizneset ankohen se nuk arrijnë të aksesojnë SelfCare.
Në mëngjes punonte me vështirësi, ndërsa në mesditë kur tenton të hysh në sistem, vetëm sa rrotullohet bosh.
Që prej fundit të vitit të kaluar, bizneset janë përballur vazhdimisht me mosfunksionimin e “SelfCare”, platformës, nëpërmjet së cilës bizneset kryejnë veprimet administrative online.
Për ditë të tëra platforma, të cilët bizneset e përdorin për rakordimet e faturave, fiskalizimin e faturave të importit, lëshimin e faturave (për të vetëpunësuarit) e shërbime të tjera, ishte tërësisht jashtë funksioni.
Më pas sistemi rregullohej e dilste sërish jashtë funksioni shumë shpesh.
Ekonomistëve, që krahas stresit të platformës që ka probleme, u duhet të përballen dhe me presionin e bizneseve, që u kërkojnë llogari për një gjë që ata nuk e kanë në dorë- nuk u mbetet veçse të luten çdo ditë, që SelfCare të punojë. Sidomos tani, që janë edhe tre ditë pushim dhe Administrata ikën me leje dhe askush nuk do të përgjigjet, as ministrja virtuale Diella, as punonjësit! /Monitor
