E rëndë në Durrës/ Këmbësori përplaset për vdekje nga një automjet

Një aksident me pasojë vdekjen e një personi ka ndodhur mbrëmjen e sotme në qytetin e Durrësit.

Një këmbësor ka humbur jetën pasi është përplasur nga një automjet në lagjen nr. 15.

Ngjarja ka ndodhur rreth orës 21:45, ku automjeti me drejtues shtetasin D. N. ka aksidentuar këmbësorin Xh. Zh. Si pasojë e përplasjes, këmbësori nuk ka mundur t’u mbijetojë plagëve të marra dhe ka ndërruar jetë.

Drejtuesi i automjetit është shoqëruar në Komisariatin e Policisë për kryerjen e veprimeve të mëtejshme procedurale.

Në vendngjarje ka mbërritur grupi hetimor, i cili nën drejtimin e Prokurorisë po punon për zbardhjen e plotë të rrethanave të aksidentit dhe përcaktimin e shkakut të përplasjes.

Hetimet vijojnë për të sqaruar dinamikën e ngjarjes.