E rëndë në Gjirin e Lalëzit! U hodh nga lartësia, pushuesi pëson dëmtime të rënda në qafë dhe rrezikoi mbytjen në det

Një ngjarje e rëndë është regjistruar sot në Gjirin e Lalëzit, 50-vjeçar ka rrezikuar jetën e tij, pasi është hedhur nga lartësia në det dhe ka marrë dëmtime të rënda.

Sipas informacioneve, burri ka pësuar dëmtime të mëdha dhe ka mbetur i paralizuar nga mesi e poshtë, pasi ka marrë dëmtime në pjesën e qafës.

Mësohet se burri në fjalë nuk arrinte të kontrollonte trupin dhe filloi të mbytej, ndërsa për fatin e tij të mirë, në vendngjarje ka qëlluar një punpnjës i varkave i cili është hedhur menjëherë në det dhe e ka tërhoqur deri sa në ndihmë i ka ardhur edhe roja e plazhit.

Më pas është njoftuar ambulanca e cila ka mbërritur pas disa minutash në vendngjarje dhe ekipi i emergjencës i ka dhënë ndihmën e nevojshme dhe transportuar për në spital.