E rëndë në Velipojë, 39-vjeçarit i shpërthen tubi i gazit të mjetit lundrues dhe e djeg

Një 39-vjeçar është plagosur pas një incidenti të ndodhur mbrëmjen e sotme në Velipojë. Ngjarja është regjistruar rreth orës 19:00, në afërsi të Stacionit të Policisë Kufitare Velipojë, ku shtetasi me inicialet E. N., 39 vjeç, dyshohet se është dëmtuar aksidentalisht gjatë zbritjes nga karroceria e një mjeti lundrues në pronësi të tij.

Sipas të dhënave paraprake, në momentin e zbritjes ka shpërthyer aksidentalisht tubi i gazit të mjetit lundrues, duke shkaktuar djegie në trupin e 39-vjeçarit.

Njoftimi i policisë: 

Rreth orës 19:00, në afërsi të Stacionit të Policisë Kufitare Velipojë, dyshohet se, gjatë zbritjes nga karroceria e një mjeti lundrues në pronësi të tij, shtetasit E. N., 39 vjeç, i ka shpërthyer aksidentalisht tubi i gazit të këtij mjeti lundrues.

Si pasojë, 39-vjeçari ka pësuar djegie në trup. Pas marrjes së ndihmës së parë në Spitalin Rajonal Shkodër, ai po transportohet drejt Tiranës për mjekim më të specializuar.

Grupi hetimor po kryen veprimet për sqarimin e plotë të rrethanave të ngjarjes.