16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Edi Rama, kryeministri me rrogën më të lartë në rajon, ankohet për pagat e gjyqtarëve
PiranjatPërditësimi i fundit 18 September 2026, 11:59
Sa herë që Edi Rama është në vështirësi politike, siç i ka ndodhur aktualisht me protestën mbi 100-ditore dhe skandalet e shpërndara nga ish-zëvendësi i tij, Arben Ahmetaj, kryeministri sajon nga një “kundërshtar”.
Kur nuk ndodh që “fajin e ka Saliu”, ai krijon ndonjë konflikt me sistemin e drejtësisë. Këtë betejë po zhvillon së fundmi me gjyqtarët, pasi këta të fundit kërkojnë indeksimin e pagës së tyre, sipas një vendimi të Gjykatës Kushtetuese.
Këtë të Dielë, Rama u shfaq në rrjete sociale, ku deklaroi: “Me rritjen e kërkuar me llogarinë vetë Zot vetë Shkop, paga mesatare e gjyqtarëve bëhet më e lartë se në Greqi, Rumani e Slloveni dhe 140% më e lartë se në Mal të Zi dhe Maqedoninë e Veriut, ndërsa në raport me administratën shqiptare ajo kërcen në 470% më shumë…”.
Me populizmin që e karakterizon, Edi Rama paraqiti shifrat e gjyqtarëve shqiptarë, krahasuar me ato të vendeve të rajonit. Megjithatë, ai nuk ka bërë asnjëherë një krahasim të tillë, për pagën e vetë.
Referuar të dhënave të përpunuara nga “Chatgpt”, një platformë që edhe Rama e përdor herë pas here, për të shpërndarë informacion statistikor që i shkojnë në vijën e tij politike.
Sipas informacionit të platformës, rezulton se Edi Rama, pra kryeministri i Shqipërisë, ka pagën më të lartë, krahasuar me të gjithë homologët e tij në Ballkanin Perëndimor. Përjashtim bën vetëm Greqia, e cila, është e vetmja anëtarë e Bashkimit Europian në zonën tonë. Të dhënat më poshtë jepen në shifra bruto, pra pagat para se të paguhen taksat.
Në bazë të të dhënave publike, rezulton se Edi Rama ka pagë mujore mesatare bruto rreth 4 mijë euro, ose rreth 48 mijë euro në vit.
Në foto: Të dhënat e “Chatgpt”. Rama ka pagën më të lartë në rajon Në foto: Të dhënat e “Chatgpt”. Rama ka pagën më të lartë në rajon
Në vendin e dytë renditet kryeministri i Kosovës, Albin Kurti. Paga e tij mujore bruto llogaritet në rreth 2950 euro në muaj ose për një total prej 35.400 euro në vit.
Hristian Mickovski, kryeministri i Maqedonisë së Veriut, paguhet me një rrogë mujore në shumën 2280 euro. Në vit, paga e tij zyrtare përllogaritet në vlerën 27.360 euro, duke i renditur në vendin e tretë.
Kryeministri i Malit të Zi, Milojko Spajiç vijon listën, në vendin e katërt, me pagë mujore bruto në shumën 2061 euro, një shumë që në një vit arrin në një total afërsisht 24.732 euro.
Lista e pagave për drejtuesit politik të Rajonit mbyllet me Presidentin e Serbisë, Aleksandër Vuçiç. Të dhënat e përpunuara nga “Chatgpt” tregojnë se ai paguhet me një rrogë mujore në shumën rreth 2051 euro. Në vit, Vuçiç përfiton pagë bruto në vlerën 21.600 euro.
“Boldnews.al” kërkoi të dhëna edhe lidhur me sa herë më e lartë ishte paga e kryeministrave të Rajonit, në krahasim me të ardhurat mesatare të qytetarëve të vendeve të tyre.
Duke përjashtuar sërish Greqinë, rroga e kryeministrit shqiptar, Edi Rama, rezulton se është më e larta, krahasuar me të ardhurat mesatara të vendit.
Në foto: Të dhënat e “Chatgpt”. Rama ka pagën më të lartë në rajon, në krahasim me rrogat mesatare
Paga e Edi Ramës rezulton se është 4.3 herë më e lartë se sa paga mesatare vjetore në vend.
Në Kosovë, kryeministri Albin Kurti rezulton se ka një rrogë 4.1 herë më të lartë se mesatarja e shtetit që drejton.
Kryeministri i Maqedonisë së Veriut llogarit një pagë 3.1 herë më të lartë se sa rroga mesatare e vendit të tij.
Më tej, kryeministri malazez, Milojko Spajiç e ka pagën 2 herë më të lartë se rroga mesatare në atë vend.
Në Serbi, Aleksandër Vuçiç ka një pagë, afërsisht 1.7 herë më të lartë se sa rroga mesatare e serbëve të punësuar./Bold News.al
