Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
AKTUALITET
Eksperti i sigurisë: Institucionet dështuan të hartojnë masa funksionale, monopatinat u rikthyen në rrugë
PiranjatPërditësimi i fundit 12 May 2026, 09:24
Eksperti i sigurisë rrugore, Fatmir Hasho, i ftuar në “KAFE SHQETO” me Flavio Qarrin në SYRI TV, kritikoi mënyrën se si po menaxhohet qarkullimi i monopatinave elektrike, duke theksuar se pas ndalimit të tyre disa muaj më parë mungoi një plan i qartë institucional.
Sipas Hashos, Ministria e Infrastrukturës, Policia dhe ekspertët duhej të kishin bashkëpunuar menjëherë për të hartuar rregulla të forta dhe të zbatueshme, por situata mbeti pezull dhe sot monopatinat janë rikthyer sërish në rrugë.
Ai propozoi masa konkrete si kufizim moshe mbi 16 vjeç, shpejtësi maksimale 25 km/h, regjistrim, siguracion, përdorim të kaskës dhe korsi të dedikuara.
Hasho theksoi se pa infrastrukturë dhe zbatim rigoroz, këto mjete mbeten rrezik serioz për sigurinë rrugore.
Tani këtu merret dhe ajo pjesa për të cilën unë kam qenë një nga iniciatorët nëpërmjet shumë statuseve dhe intervistave të ndryshme, që ato mjete duhet të ndaloheshin në mënyrë të prerë, të menjëhershme, siç edhe ndodhi para ja dy-tre muajsh. Por për fat të keq, prapë vijnë tek ajo pjesa kur nuk diskutohen me profesionistë dhe me specialistë se çfarë masa duhet të marrë konkrete dhe të dalë një bazë ligjore e cila jo vetëm të qëndrojë fort në këtë realitet, por zbatimi i saj duhet të jetë po aq rigoroz që të kemi sa më pak aksidente rrugore ose ngjarje të rënda.
Çfarë desha të thoshja me këtë? Në momentin që u ndërprenë, duhet të kishte një bashkëpunim të menjëhershëm të Ministrisë së Infrastrukturës, Drejtorisë së Përgjithshme të Policisë, një pjesë të ne ekspertëve, gjithmonë këtu nuk dua të marr rol protagonisti, po duke qenë se jam marrë me këtë pjesë, kam dhënë gjëra konkrete, le të merrej edhe mendimi jonë, qoftë edhe në formë të shkruar se nuk është, nuk i kam dhe shumë qejf mbledhjet e stërzgjatura, por ama të dilet me një konkluzion dhe të dilet me një raport i cili të ketë masa konkrete por të jenë të zbatueshme. Dhe çfarë ndodh konkretisht?
Ajo ngeli në një formë të zvarrë. U mblodhën në mënyrë të, për mua të padrejtë, monopatinat diku andej nga policia. Filluan të jepen një e nga një, nuk e di në çfarë lloj gjendje. Dhe sot ne kemi përsëri këtë gjendje. Kemi monopatinat në rrugë, duhet ta pranojmë. Nuk i kemi më në trotuar, po i kemi në rrugët e makinave, sepse ne përcaktuam saktë disa rregulla atëherë. Ishin shumë thjesht, shtatë rregulla të shkruara, nuk i rendis dot në atë formë siç i kam shkruar atëherë, po po të them: Mbi, nën 16 vjeç të mos i përdorin. Fuqia e tyre të ishte me një kapacitet të shkonte maksimumi 25 km/h.
Të kishin rrugët e tyre të dedikuara nëpër qendrat e banuara, sepse për jashtë, domethënë rrugët interurbane nuk mendohet fare lëvizja e tyre. Dhe pastaj ca rregulla të tjera, jo të kishte regjistrim, jo të kishte një lloj siguracioni sepse dhe ato shkaktojnë dëm. 25 km/h nuk është shpejtësi e vogël, përfshirë dhe atë peshë që ka, të vret, të dëmton. Dhe këtë dikush duhet ta paguajë. Po të ishin edhe të regjistruara, të mbajnë kokore në kokë. Edhe natyrisht si këto rregullat e fundit që thanë, të mos përdoret celulari e të tjera e të tjera. Pra ishin një seri rregullash, shtatë, ishin të tilla të gjitha, që po qenë se do ishin bërë, formulimi i VKM-së, bëje si të doni, po të ishin praktike.
Dhe ndërkohë dhe bashkitë të kishin punuar gjatë kësaj kohe për përcaktimin e saktë të itinerareve ku duhet të lëviznin. Dhe jo vetëm me pjesë të shkëputura. Se ne sot për lëvizjen e biçikletave i kemi copë-copë rrugët. Në një kohë mbaron rruga në një moment, nuk dihet ku do kalojnë në krahun tjetër. Pra, ky problem ne gjithmonë i lëmë gjërat zvarrë. I fillojmë me një tam-tam të madhe dhe pastaj është ajo shprehje shqiptare, çdo gjë çudinë e ka deri në tre ditë.
