Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Ekzekutohet brenda burgut në Teksas 37-vjeçari, bashkëshortja shqiptare dëshmitare: Vuajti shumë
PiranjatPërditësimi i fundit 3 May 2026, 12:34
Një ngjarje e rëndë ka tronditur opinionin publik, pasi një grua britanike me origjinë nga Kosova ka qenë dëshmitare e ekzekutimit të bashkëshortit të saj në SHBA, duke mos i mbajtur dot lotët në çastet e fundit të jetës së tij.
37-vjeçari James Broadnax u ekzekutua me injeksion vdekjeprurës në një burg në Teksas, pasi ishte shpallur fajtor për vrasjen e dy producentëve të muzikës kristiane në Dallas në vitin 2008. Në dhomën e dëshmitarëve ndodhej edhe bashkëshortja e tij, Tiana Krasniqi, 31 vjeçe, e cila, sipas mediave amerikane si Dallas Morning News, bërtiti “Të dua” ndërsa ndiqte pas xhamit momentet e fundit të ekzekutimit.
Pas ngjarjes, Krasniqi reagoi ashpër në rrjetet sociale, duke vënë në dyshim mënyrën e ekzekutimit. Në një video në TikTok, ajo deklaroi: “Ata vranë burrin tim”, duke pretenduar se procesi ka qenë i dhimbshëm dhe i rëndë për të dënuarin. Sipas saj, Broadnax kishte shfaqur shenja vuajtjeje gjatë injektimit, përfshirë mavijosje dhe gjurmë gjaku, ndërsa ngriti pyetjen: “A është kjo drejtësi?”
Historia e çiftit kishte marrë vëmendje edhe më herët, pasi ata ishin martuar vetëm pak ditë para ekzekutimit, brenda burgut Allan B. Polunsky Unit në Teksas. Dyshja ishte njohur në vitin 2024 përmes letrave, ndërsa Krasniqi, e diplomuar në drejtësi dhe studente e të Drejtave Ndërkombëtare të Njeriut në Londër, kishte nisur të studionte pabarazitë racore në sistemin amerikan të drejtësisë.
Broadnax ishte dënuar për vrasjen e Stephen Swan dhe Matthew Butler, por më vonë një kushëri i tij kishte pretenduar se ishte autori i krimit. Megjithatë, kjo deklaratë nuk u konsiderua e mjaftueshme për të ndalur ekzekutimin.
Rasti ka rikthyer në qendër të debatit dënimin me vdekje në SHBA dhe mënyrën e zbatimit të tij, një temë që vazhdon të ndajë opinionin publik dhe të ngjallë reagime të forta.
