Emocionuese/ Pas 50 vitesh pa u takuar, Bib Rica fton shokët e shoqet e shkollës së mesme të mjekësisë për të festuar Pashkët

Sot, në ditën e Pashkëve, 70-vjeçari Bib Rica nga Mamurrasi ka zgjedhur një mënyrë të veçantë për të festuar.

Në vend të festës tradicionale vetëm me familjen, ai ka ftuar disa ish-nxënës të shkollës së mesme të mjekësisë, pas 50 vitesh, për një drekë të përbashkët dhe rikthim në kujtimet e së shkuarës.

Bib Rica, i cili sot është gjysh, tha se përveç familjarëve, çdo festë për të është një rast për të ftuar në stëpinë e tij ish-gjimnazistët dhe kolegët, duke e konsideruar festën si një moment harmonie fetare dhe miqësie.

Gjatë drekës, pjesëmarrësit ndanë kujtime të bukura nga vitet e shkollës dhe rifreskuan lidhjet e dikurshme, duke kthyer Pashkët në një festë jo vetëm familjare, por edhe miqësore dhe nostalgjike.