THE BANKER
Protestat, që janë bërë të njohura si “Revolucioni i Flamingove” në Shqipëri, nisën si...
AKTUALITET
EMRAT/ Drogë e lojëra fati në Fushë-Krujë, arrestohen tre persona, mes tyre një polic
PiranjatPërditësimi i fundit 8 Korrik 2026, 10:17
Tre persona, mes tyre një punonjës policie, janë arrestuar në Fushë-Krujë pasi akuzohen për organizim rë lojërave të fatit dhe përdorim të lëndëve narkotike.
Në pranga ka rënë Lutfi Dervishi, me detyrë Ndihmës Specialist i Policimit në Komunitet, me zonë mbulimi qytetin e Fushë-Krujës. Ai dyshohet për veprat penale “Shpërdorimi i detyrës” dhe “Organizimi ose ushtrimi i veprimtarive të lojërave të fatit në kundërshtim me ligjin”. Gjatë kontrollit në banesën e tij, hetuesit sekuestruan edhe 119 fishekë model 9 mm.
Po ashtu u arrestuan edhe Sabah Stafuka dhe Fatmir Stafuka, banues në Arrameras të Fushë-Krujës, të dyshuar për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe “Prodhimi dhe shitja e narkotikëve”.
Gjatë kontrolleve në ambientet që ishin nën hetim, AMP sekuestroi katër pajisje elektronike të dyshuara se përdoreshin për organizimin e lojërave të fatit, dy serverë kompjuterikë, një pajisje DVR, si dhe lëndë të dyshuar narkotike të ndarë në 11 qese plastike, me peshë totale 6.63 gramë. Gjithashtu u sekuestruan tre telefona celularë.
Sipas AMP-së, hetimet vijojnë për dokumentimin e plotë të aktivitetit të kundërligjshëm, si dhe identifikimin e personave të tjerë që mund të jenë të përfshirë.
