Vrasja e Arlinda Zekajt në Kosovë nuk ishte për Arjola Demirin thjesht një tjetër ngjarje e rëndë që tronditi opinionin ...
AKTUALITET
EMRAT/ Rrahu deri në vdekje gruan dhe u arrestua 160 km larg, kush është 42-vjeçari shqiptar. Mesazhi i ndjerë i vajzës në rrjetet sociale
PiranjatPërditësimi i fundit 17 August 2026, 19:05
Elvis Metvelaj, partneri 42-vjeçar i Ornella Forastefano, është ndaluar dhe është transferuar në burg, në dispozicion të autoriteteve gjyqësore, në lidhje me vrasjen e partneres së tij, e cila u gjet dje, më 16 gusht, në gjendje të rëndë në hyrje të spitalit të Trebisacce, pasi ishte rrahur brutalisht.
Aktualisht, sipas autoriteteve, Metvelaj është i dyshuari kryesor. Pas ngjarjes, ai jo vetëm që rezultoi i paarritshëm, por u lokalizua në portin e Barit, më shumë se 160 kilometra larg, teksa dyshohet se ishte gati të largohej nga Italia. Hipoteza e hetuesve është se ai synonte të hipte në traget për t’u kthyer në Shqipëri.
Kush është Elvis Metvelaj?
Nuk është ende e qartë nëse ka qenë pikërisht Metvelaj ai që e ka lënë partneren e tij në gjendje agonie përpara hyrjes së spitalit në Kalabri. Karabinierët po mbledhin dhe analizojnë pamjet dhe videot e kamerave të sigurisë të zonës, me qëllim identifikimin e personit të përfshirë.
Edhe vendi ku ka ndodhur rrahja brutale mbetet ende mister. Dyshohet se ngjarja ka ndodhur në Amendolara, por dinamika e vrasjes është ende nën hetim nga autoritetet. Ndërkohë, në orët e fundit, Maria Cosentino, vajza 25-vjeçare e Ornella Forastefano-s, i ka kushtuar nënës së saj një mesazh lamtumire në rrjetet sociale:
“Boshllëku që ke lënë është i pashpjegueshëm. Ende nuk arrij ta besoj, më duket si një makth. Këtë mëngjes, kur erdhi ajo telefonatë, mund të imagjinoja gjithçka, por jo që nuk do të të shihja më kurrë.”
“Ti ke qenë gjithmonë aty për mua dhe Ettoren dhe fakti që ti ishe vetëm në atë moment, pa ndihmën tonë, më bën të ndihem shumë keq. Askush nuk do të të sjellë më tek ne, por herët a vonë do të takohemi përsëri.”
Ajo vijon: “Na rrite e vetme, duke bërë një mijë sakrifica. Mos u shqetëso, për Ettoren do të kujdesem unë sikur të ishe ti, edhe pse asgjë nuk do të jetë më njësoj pa ty.” /PiranjatNews/
