EMRAT+ VIDEO/ Do të kryenin vrasje, kush janë "killerat" që u kapën në Sarandë

Shërbimet e Komisariatit të Policisë Sarandë, në bashkëpunim me Forcën Kombëtare të Sigurisë, Njësia Fier, kanë finalizuar operacionin e koduar “Silenciatori”. Falë informacioneve të siguruara në rrugë operative dhe ndërhyrjes në kohë, është parandaluar një ngjarje e mundshme kriminale.

Në fshatin Gjashtë, pranë një lokali dhe në një zonë pa ndriçim, u kapën në flagrancë dy shtetas, të cilët kishin nxjerrë nga automjeti armë zjarri dhe qëndronin në pritë. Bëhet fjalë për:

Sidorel Moriseni, 32 vjeç, banues në Tiranë;

Alfred Kaja, 26 vjeç, banues në Kavajë.

Gjatë të njëjtit operacion u arrestuan edhe tre shtetas të tjerë për veprën penale “Moskallëzimi i krimit”:

Vitrin Hoxha, 20 vjeç, banues në Kavajë;

Vonis Poka, 31 vjeç, banues në Tiranë;

Franko Bobja, 21 vjeç, banues në Kavajë.

Sipas veprimeve hetimore të deritanishme, dyshohet se të pesë shtetasit kishin ardhur në Sarandë me qëllim kryerjen e një vrasjeje. Sidorel Moriseni dhe Alfred Kaja u kapën në momentin kur po nxirrnin nga automjeti dy pistoleta, municion luftarak dhe një silenciator.

Nga operacioni u sekuestruan:

2 armë zjarri (pistoleta);

municion luftarak;

1 silenciator;

2 automjete.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë. Nën drejtimin e Prokurorisë vijojnë hetimet intensive për zbardhjen e plotë të rrethanave, identifikimin e objektivit të synuar dhe dokumentimin e plotë ligjor të kësaj veprimtarie kriminale.