EMRI- E rëndë në Librazhd/ Gurët e shkëputur nga mali godasin Benzin, vdes 42-vjeçari

Një ngjarje tragjike ka ndodhur mbrëmjen e së premtes në aksin rrugor Prrenjas–Librazhd, ku një 42-vjeçar ka humbur jetën pasi automjeti me të cilin udhëtonte u godit nga një gur i shkëputur nga mali.

Sipas njoftimit të Policisë, rreth orës 22:30, në fshatin Hotolisht, dyshohet se një gur është shkëputur nga mali dhe ka rënë mbi automjetin tip "Benz", që drejtohej nga shtetasi Arjan Hoxha, 42 vjeç, banues në fshatin Gjergjan të Elbasanit. Si pasojë e goditjes, 42-vjeçari ka ndërruar jetë në vendngjarje.

Për nxjerrjen e trupit të pajetë nga automjeti i dëmtuar rëndë është dashur ndërhyrja e punonjësve të shërbimit zjarrfikës, të cilët kanë përdorur mjete prerëse për të çarë kabinën  e mjetit.

Grupi hetimor dhe shërbimet e Policisë shkuan në vendin e ngjarjes, ku po kryejnë veprimet procedurale dhe po punojnë për dokumentimin e plotë ligjor të rrethanave të këtij rasti. /PiranjatNews/