EMRI/ E rëndë në Suedi, vritet me armë zjarri i riu shqiptar

Një ngjarje e rëndë raportohet të ketë ndodhur dje në Suedi, ku një i ri shqiptar është qëlluar për vdekje me armë zjarri.

Viktima është identifikuar si Genti Maksutaj, shqiptar i Kosovës dhe dyshohet të jetë vrarë gabimisht.

Dyshohet se Maksutaj ishte kalimtar i rastit në momentin kur një përplasje mes grupeve kriminale ka përshkallëzuar në përdorimin e armëve. Me anë të një njoftimi në rrjetet sociale, babai i viktimës ka shkruar një meszh prekës.

“U prehsh në paqe djali jem. Përjetë në zemrat tona. Babi të do shumë”, shkroi ai.

Autoritetet suedeze po vijojnë hetimet për zbardhjen e plotë të rrethanave të ngjarjes dhe identifikimin e autorëve.