EMRI/ Gjendet trupi i minatorit 40-vjeçar që u aksidentua në minierë

Pas kërkimeve, është bërë e mundur gjetja dhe nxjerrja e trupit të pajetë të minatorit që humbi jetën pas aksidentit në një subjekt minerar në zonën e Tërnovës së Madhe, në Bashkinë Bulqizë.

Viktima është identifikuar si shtetasi me inicialet Ilir Kalaveri,40 vjeç, banues në Klos, i cili dyshohet se ra në një furnelë gjatë procesit të punës dhe mbeti i bllokuar nën masivin e materialit të kromit.

Pas gjetjes, trupi i minatorit do të transportohet në Institutin e Mjekësisë Ligjore në Tiranë, ku do të kryhet ekspertiza mjekoligjore.

Ndërkohë, grupi hetimor nën drejtimin e Prokurorisë vijon punën për zbardhjen e plotë të rrethanave të aksidentit dhe për përcaktimin e përgjegjësive për ngjarjen e rëndë.