‘Këto janë sisteme të veçanta të shpikura për të mbajtur jashtë kontrollit të gjithë financimet publ...
AKTUALITET
EMRI/ Karta anëtarësimi për klientët e drogës, kush është 27-vjeçari shqiptar që ra në kurthin e hetuesve në SHBA
PiranjatPërditësimi i fundit 11 Shtator 2026, 19:15
Në një përpjekje marketingu për të siguruar klientë të rregullt, një shpërndarës droge në Minesota u ofronte klientëve “karta besnikërie” me zbritje, për ata që blinin prej tij kërpudha haluçinante dhe lëndë të tjera narkotike, sipas një kallëzimi penal.
Gjatë një operacioni të fshehtë, Andi Selencia, 27 vjeç, dyshohet se muajin e kaluar i shiti një agjenti kërpudha që përmbanin psilocibinë dhe i tha se po “shkonte në Oregon dhe Kolorado për të siguruar më shumë produkt”, sipas policisë.
Gjatë vëzhgimit të Selencias, hetuesit ndaluan persona të dyshuar si klientë të tij dhe u gjetën koncentrate THC dhe boçe kanabisi. Ata zbuluan gjithashtu se Selencia “u jepte individëve karta besnikërie me emrin ‘flowerdaddy’”.
Dokumentet gjyqësore nuk tregojnë se sa klientë merrnin pjesë në programin e besnikërisë, apo sa ishte zbritja dhe çfarë shpërblimesh ofroheshin.
Pasi dyshohet se kishte rënë dakord t’i shiste një oficeri të infiltruar dy paund kërpudha halucinogjene dhe një paund marihuanë, Selencia u arrestua këtë javë.
Kontrollet e mëvonshme në banesat e lidhura me Selencian, si dhe në automjetin e tij Honda Civic, zbuluan sasi të mëdha kërpudhash halucinogjene dhe produkte kanabisi, para cash, peshore elektronike dhe një pistoletë.
“Forcat e rendit gjetën gjithashtu karta besnikërie ‘flowerdady’”, deklaroi rreshteri Matthew Huettl.
Operacioni i Selencias ishte përqendruar pranë kampusit të Universitetit Shtetëror të Minesotës në Mankato, një qytet rreth 120 kilometra larg Minneapolisit.
Selencia është akuzuar për shtatë vepra penale të rënda të lidhura me drogën, dy prej të cilave parashikojnë një dënim maksimal prej 40 vitesh burgim, si dhe dënime minimale të detyrueshme prej 86 muajsh burgim.
Ndërsa një gjyqtar caktoi dje 200 mijë dollarë si garanci për lirimin e tij, një prokuror vuri në dukje se i dyshuari është shtetas shqiptar dhe është objekt i një urdhri ndalimi dhe arrestimi nga Agjencia e Emigracionit dhe Doganave të SHBA-së (ICE), që tregon se ai mund të dëbohet nga vendi në bazë të ligjeve amerikane të emigracionit. /PiranjatNews/
