EMRI/ Kush është 40-vjeçari i vrarë me armë zjarri në Laç

Një ngjarje e rëndë ka tronditur qytetin e Laçit, ku një 40-vjeçar është vrarë me armë zjarri.

Ngjarja ka ndodhur në rrethana ende të paqarta, ndërsa policia ka nisur hetimet për zbardhjen e plotë të krimit dhe identifikimin e autorit. Sipas informacioneve paraprake, 40-vjeçari Ilir Lika, është qëlluar me armë zjarri dhe ka humbur jetën si pasojë e plagëve të marra.

Menjëherë pas ngjarjes, forcat e policisë kanë mbërritur në vendin e krimit dhe kanë nisur krehjen e zonës për mbledhjen e provave.

Grupi hetimor po punon për të përcaktuar rrethanat e vrasjes, ndërsa pritet të merren dëshmi nga personat që mund të kenë dijeni për ngjarjen.