Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u...
AKTUALITET
EMRI/ Tentoi të vriste me pistoletë një person, arrestohet 50-vjeçari. Shihni pamjet e konfliktit
PiranjatPërditësimi i fundit 8 Prill 2026, 10:46
Policia ka arrestuar një 50 vjeçar, pasi dyshohet se për motive të dobëta tentoi të vriste me armë zjarri një 38-vjeçar, në Tiranë. Burime për Piranjat News bëjnë me dije se bëhet fjalë për shtetasin Agim Visha.
Ngjarja ndodhi pasditen e djeshme në ambientet e jashtme të një lokali, në rrugën “Myslym Keta”.
Më poshtë keni pamjet kur 50-vjeçari konfliktohet dhe tenton të qëllojë me pistoletë 38-vjeçarin.
Njoftimi i policisë:
Tiranë/Finalizohet operacioni i koduar “Responde”.
Tentoi të vriste me armë zjarri, një 38-vjeçar, gjatë një konflikti për motive të dobëta, kapet menjëherë pas ngjarjes dhe arrestohet 50-vjeçari.
Sekuestrohet arma e zjarrit (pistoletë me mulli) me municion.
Shërbimet e Komisariatit të Policisë Nr. 4, menjëherë pas njoftimit se në rrugën “Myslym Keta”, po konflikteshin dy shtetas, njëri prej të cilëve mbante armë zjarri, kanë organizuar punën për parandalimin e përshkallëzimit të konfliktit, identifikimin dhe kapjen e shtetasve të përfshirë.
Si rezultat i veprimeve të shpejta policore të kryera në kuadër të operacionit të koduar “Respond”, u arrestua shtetasi A. V., 50 vjeç, banues në Tiranë.
Ky shtetas dyshohet se pasditen e djeshme, në ambientet e jashtme të një lokali, në rrugën “Myslym Keta”, është konfliktuar për motive të dobëta me shtetasin I. D., 38 vjeç, dhe ka tentuar ta vrasë atë, me armë zjarri pistoletë me mulli, që e mbante pa leje.
Shtetasi A. V. ka tentuar të largohet, por është kapur dhe vënë në pranga nga shërbimet e Policisë, menjëherë pas ngjarjes.
Materialet procedurale i kaluan Prokurorisë, për veprime të mëtejshme.
