EMRI/ U vra me kallash, kush është 20-vjeçari që humbi jetën në Korçë. Tentoi t’i fshihej autorit

Një ngjarje e rëndë ka tronditur lagjen 14 të qytetit të Korçës, ku një i ri ka mbetur i vrarë me armë zjarri. Viktima është identifikuar si Johan Zuko, rreth 20-vjeç.

Sipas të dhënave paraprake, autori dyshohet se e ka ndjekur viktimën, i cili nuk ishte banor i zonës ku ndodhi ngjarja.

I riu ka tentuar t'i shpëtojë ndjekjes duke u futur në një pallat, por autori ka arritur ta kapë brenda godinës dhe e ka qëlluar për vdekje. Pas krimit, autori është larguar nga vendi i ngjarjes dhe aktualisht ndodhet në kërkim nga Policia.

Grupi hetimor ndodhet në vendngjarje dhe po punon për zbardhjen e plotë të rrethanave të vrasjes, ndërsa vijojnë kërkimet për identifikimin dhe kapjen e autorit. /PiranjatNews/