Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
EMRI+FOTO/ Vuan nga demenca, familja kërkon ndihmë për gjetjen e ish-efektivit të Gardës
PiranjatPërditësimi i fundit 6 June 2026, 16:29
Ky person që shihni në foto është Flamur Kolmarku, 55 vjeç, dhe familjarët e tij po bëjnë apel për ndihmë në gjetjen e tij, pasi kanë humbur kontaktet që prej ditës së djeshme me familjen. Mësohet se, Kolmarku ka punuar me gardën e shtetit deri para tre viteve.
Familjarët bëjnë me dije se Flamur Kolmarku vuan nga demenca dhe ka probleme të theksuara me kujtesën, gjë që e bën të vështirë orientimin e tij dhe mund ta vendosë në rrezik teksa mjekët që e kanë trajtuar rekomandojnë se 55 vjeçari mund të ketë shkuar pranë zonave ku ka jetuar, si Mamurras, Rubik, Rrëshen (Kurbnesh), pasi sipas tyre në këto situata zgjohet kujtesa e fëmijërisë, ndërsa për herë të fundit raportohet të jetë parë në Bulqizë në drejtim të Burrelit.
Të shqetësuar për fatin e tij, familjarët u bëjnë thirrje qytetarëve që mund ta kenë parë ose të kenë informacion mbi vendndodhjen e tij, të kontaktojnë sa më shpejt me familjen. Për çdo informacion, telefononi në numrin: +355 68 206 5729
Familjarët kërkojnë që njoftimi të shpërndahet sa më shumë me shpresën se 55-vjeçari do të gjendet sa më shpejt dhe do të kthehet pranë të afërmve të tij.
