Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
“Emrin babë s’munda ta thërras më”/ Postimi prekës i gazetares Edona Gashi në 27-vjetorin e humbjes së të atit në luftën e Kosovës
PiranjatPërditësimi i fundit 16 May 2026, 16:00
Gazetarja e emisionit Piranjat, Edona Gashi, ka përcjellë sot përmes rrjeteve sociale një mesazh prekës në përkujtim të 27-vjetorit të rënies së babait të saj në luftën e Kosovës.
Mes rreshtash të mbushura me mall, dhimbje dhe krenari, ajo ka rrëfyer plagën që koha nuk e ka shëruar kurrë, humbjen e të atit të saj.
Musli Gashi ishte ushtar i Ushtrisë Çlirimtare të Kosovës, i cili ra dëshmor për lirinë e vendit të tij më 16 maj 1999 në Drenicë.
Në postimin e saj emocional, Edona kujton momentin e trishtë të fëmijërisë, kur ende e vogël pa familjen të përballej me tmerrin e luftës dhe humbjen e njeriut të zemrës. Ajo shkruan se dhimbja nuk është larguar kurrë, por është rritur bashkë me të, ndërsa sot, përveç dhimbjes, ka edhe zërin për të treguar historinë dhe sakrificën e babait të saj.
Në postimin e saj prekës, ajo rikthen kujtimet e ditës tragjike kur forcat serbe i morën jetën babait të saj, ndërsa familja përjetonte ankth dhe lot mes maleve të Drenicës.
Rragimi i plotë
Dhimbja nuk ka ik kurrë, veç është rritë bashkë me mu dhe besomni që koka shumë e vështirë kur emrin babë mos me mujt me thirr bre????
Dikur nuk kisha zë, por vetëm dhimbje. Sot kam edhe zë, edhe dhimbje.
Plot 27 vite mall, mërzi, mbijetesë, por shumë krenari që çdo ditë kuptoj çfarë babë kisha: trim, besnik, i pathyeshëm, por gjithmonë në këmbë, i gatshëm për sakrificë në çdo kohë.
Ishte data 16 maj 1999 dhe unë isha fëmija i 3-të në familje. Motra kishte 4 muaj që kishte lindur dhe fëmijët na bashkuan në një traktor. Nuk kuptoja mirë çka ndodhte, por ushtarët erdhën në mal, na përqafonin, ndërsa gjyshja e mami qanin e bërtisnin jashtë.
Ishte dita kur kriminelët serbë, pa pikë mëshire, shprazen kallashin mbi trupin e babit tem????teksa një shok i tij u plagos rëndë, ndërsa njani arriti me shpëtu lehtë, fatmirësisht…
Kujtimin dhe kontributin e babushit tem mund ta harrojnë të gjithë, por s’e harron kjo tokë që u la me gjakun e tij.
S’e harroj unë… dhe tash unë kam zë.
I lehtë të qoftë dheu i Kosovës, babush.
Në këtë ditë të rëndë kujtese, Piranjat News shpreh ngushëllime të sinqerta për Edonën dhe familjen e saj, duke nderuar me respekt sakrificën e babait të saj dhe të gjithë dëshmorëve të luftës së Kosovës./Piranjat News
