Një operacion i pazakontë është ndërmarrë në Shtetet e Bashkuara të Amerikës, ku mijëra trungje pemësh j...
AKTUALITET
EMRI+VIDEO/ Kishte futur kallashin në valixhe për ta shitur, kapet 24-vjeçari
PiranjatPërditësimi i fundit 20 December 2025, 09:48
Policia arreston 24 vjeçarin Hysen Marku në afërsi të terminalit të autobusëve pasi në valixhe kishte fshehur një kallashnikovë dhe municione për ti shitur. 24 vjeçari është banues në Bathore, policia pas marrjes së informacioneve ka ndërhyrë menjëherë për ta arrestuar.
Njoftimi i policisë
Tiranë/Finalizohet operacioni policor i koduar “Luggage”.
Transportonte me valixhe, një kallashnikov me municion, me qëllim shitjen, kapet në afërsi të terminalit të autobusëve, në rrugën “Kastriotët”, 24-vjeçari.
Sekuestrohet arma e zjarrit.
Shërbimet e Komisariatit të Policisë Nr. 3, në vijim të punës operative dhe operacionale, me fokus goditjen e posedimit të kundërligjshëm dhe shitjes së armëve të zjarrit, finalizuan operacionin “Luggage”.
Si rezultat i ndërhyrjes së menjëhershme, pas informacionit të siguruar në rrugë operative, u kap në flagrancë dhe u vu në pranga, në afërsi të terminalit të autobusëve, në rrugën “Kastriotët”, shtetasi H. M., 24 vjeç, banues në Bathore, i cili mbante në një valixhe udhëtimit, dyshohet me qëllim shitjen, 1 armë zjarri kallashnikov me municion luftarak.
Materialet procedurale iu referuan Prokurorisë së Tiranës, për veprime të mëtejshme.
