Biznesmeni Pandeli Carapuli është paraqitur sot në SPAK, i shoqëruar nga avokati i tij, Ulian Barjami, ku është njoftuar për...
AKTUALITET
Ergys Agasi në kërkim nga SPAK për grup të strukturuar kriminal. Çfarë deklaroi Arben Ahmetaj për “koordinatorin e Ramës me krimin”
PiranjatPërditësimi i fundit 16 December 2025, 19:49
Më shumë se një vit më parë, emisioni investigativ italian “Report” në RAI 3 trazoi ujërat e politikës shqiptare, duke trajtuar edhe lidhjet e botës së krimit me segmentet e qeverisë shqiptare “Rama”.
Investigimi i RAI 3 ekspozoi një emër: Ergys Agasi, i shpallur sot në kërkim nga SPAK për grup të strukturuar kriminal dhe pengmarrje të një biznesmeni për të mos marrë pjesë në tenderat e AKSHI-t.
Një ish-drejtor i Mjedisit në qeverinë Rama 1, Agasi, sipas ish-kryeministrit Arben Ahmetaj, që RAI 3 e ka filmuar në fshehtësi, është personi që mban lidhjet e grupeve më të forta kriminale me kryeministrin e Shqipërisë, Edi Rama.
“A është Rama i lidhur me këto grupe kriminale? Nuk është vetëm i lidhur, por po të jap emrin e koordinatorit, Ergys Agasi. Është një tip që jeton në Durrës, pranë klanit të Durrësit. Tani është bërë për llogari të Ramës, koordinator i të gjithë grupeve”, thotë Ahmetaj. Rai 3 sjell në vëmendje se Ergys Agasi është një biznesmen nga Durrësi, djali i ish-deputetit socialist Bardhyl Agasi.
Përveç të tjerash ai rezulton pronar i një kompanie që prodhon cigare dhe që merret me logjistikë. Kompania tani është sekuestruar me urdhër të SPAK për kontrabandë masive cigaresh. Takimet me bosët e krimit, zbulon Ahmetaj, Edi Rama i bën në zyrën e tij, në sallën e mbledhjeve.
“Ku i takon Rama? I takon edhe në zyrën e tij, në zyrën e mbledhjeve që ka në selinë e qeverisë. Unë nuk kam marrë pjesë sepse nuk kam pranuar kurrë të përfshihem. I kam parë pothuajse të gjithë. Personazhe nga Dibra, Durrësi, Elbasani… Po. Kapo të mafias” –rrëfen Ahmetaj për RAI3.
Gazetari i “Report” e ka pyetur vetë kryeminsitrin për lidhjet me Ergys Agasin. Ndoshta i befasuar nga ekspozimi i Agasit, Rama nuk dha asnjë përgjigje të qartë, por tentoi ta shmangte duke i kërkuar gazetarit që të mos përmendte emra personash që nuk ishin prezent.
Rai3: “Po edhe media shqiptare flasin për Agasin si njeriu hije i pushtetit tuaj. Është kështu apo jo?”
Rama: “Jo. Mediat shqiptare nuk bëjnë dallim. Unë midis “Report” dhe homologes së tij në Shqipëri zgjedh Report-in. Domethënë, për mua neveria e Report-it është mjaltë krahasuar me neverinë e homologes suaj këtu në Shqipëri. Mediat shqiptare nuk janë një argument për këtë.
Unë, kur flas me ju, duke qenë se më përmendët arkitektët, flas me dikë që përfaqëson kategorinë që, le të themi, është krijuar nga Montanelli, jo kategorinë e krijuar nga Enver Hoxha”, shprehet Rama, duke mos hedhur poshtë akuzat e Ahmetajt.
