L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
“Çfarë e tremb vërtetë Edi Ramën?”, Lala: Brenda 10 ditësh mund të sekuestrohen…
PiranjatPërditësimi i fundit 1 Qershor 2026, 22:32
Gazetarja Klodiana Lala, ka lëshuar një deklaratë të fortë, duke zbuluar se kryeministri Edi Rama i trembet më shumë lëvizjeve të SPAK-ut sesa revoltës qytetare.
Sipas gazetares, ditët në vijim pritet të sjellin zhvillime dramatike që mund të çojnë në sekuestrimin e plotë të pronave të dyshuara si të falsifikuara, një hap ky që do të sillte ngrirjen imediate të të gjithë projektit.
“Më shumë se nga protesta dhe çfarë po ndodh, Rama trembet nga hetimi i prokurorisë SPAK. Mendoj se në ditët në vijim mund të ketë vendime që mund të shkojnë deri në sekuestrim të mundshëm të pronës që dyshohet e falsifikuar. Sekuestrimi sjell automatikisht një problem, pengohet komplet projekti,” deklaroi Lala.
Lala ka paralajmëruar se ky aksion i mundshëm i drejtësisë së re nuk është i largët, duke dhënë edhe një afat kohor mjaft të afërt. Ky vendim jo vetëm që do të bllokonte punimet në terren, por do të krijonte një ngërç të madh ndërkombëtar me vetë investitorin Jared Kushner.
Më shumë se çdo gjë tjetër, kryeministrin e shqetëson pikërisht ky veprim konkret i prokurorëve, i cili pritet të ndodhë ndoshta brenda 10 ditësh. Një sekuestro e tillë preventive do të godiste direkt themelet e marrëveshjes dhe do të krijonte probleme serioze me Kushner vete, duke ekspozuar shtetin shqiptar përballë investitorëve të huaj për shkak të titujve të pasigurt të pronësisë.
