Gjykata ka vendosur lirimin nga qelia të 12 protestuesve të arrestuar në kuadër të protestave të zhvilluara ditët e fundit n&...
AKTUALITET
Fatos Lubonja i bashkohet protestës: Në shesh deri në dorëheqjen e Ramës!
PiranjatPërditësimi i fundit 7 June 2026, 19:53
Analisti Lubonja iu bashkua protestës së qytetarëve, duke deklaruar se pjesëmarrësit, pavarësisht bindjeve i bashkon kundërshtimi ndaj asaj që ai e cilësoi si kapje e vendit nga krimi dhe oligarkët.
Në fjalën e tij, Lubonja u ndal te slogani i protestës “Shqipëria nuk është në shitje”, duke theksuar se ai përfaqëson kundërshtimin ndaj një modeli zhvillimi që, sipas tij, favorizon interesat e një pakice të privilegjuar.
“Këtu jemi shumë dhe jemi të ndryshëm. Por na ka bashkuar një gjë që është më e rëndësishme, ajo parrulla: "Shqipëria nuk është në shitje". Kuptimi i saj është kundër një Shqipërie të ndërtuar nga krimi dhe oligarkët.
Unë nuk jam nga ata që bërtasin, por dua t’u them atyre që pyesin se çfarë është zhvillimi. A është zhvillim ai për oligarkët dhe me oligarkët? Ky nuk është zhvillim, por një tumor që po rritet në trupin e Shqipërisë dhe që duhet ta pastrojmë”, deklaroi ai.
Lubonja theksoi se protestuesit do të vijojnë mobilizimin e tyre deri në arritjen e objektivit politik që kërkojnë.
“Do të qëndrojmë këtu derisa ta detyrojmë të japë dorëheqjen. Zvërneci na tregoi grabitjen e Shqipërisë.Nga ky shesh i bëj thirrje edhe SPAK-ut të na mbrojë nga ky projekt kriminal”, përfundoi Lubonja.
