Fluks i lartë lëvizjesh në kufirin Shqipëri-Kosovë, ja si paraqitet situata në Morinë dhe Rrugën e Kombit

Në pikën kufitare të Morinës është evidentuar një lëvizje e shtuar e automjeteve dhe qytetarëve që hyjnë në Shqipëri. Pavarësisht fluksit, kontrollet në sportele po vijojnë me kapacitet të plotë dhe aktualisht nuk raportohen radhë të gjata automjetesh apo pritje të zgjatura.

Fluks i shtuar është shënuar edhe në pikën kufitare të Vërmicës, në drejtim të Kosovës, ku lëvizja lidhet kryesisht me kthimin e qytetarëve kosovarë pas pushimeve në bregdetin shqiptar, si dhe me pjesëtarë të diasporës që po udhëtojnë drejt vendlindjes.

Në qarkullim janë gjithashtu qytetarët që kanë zgjedhur të kalojnë fundjavën apo disa ditë pushimi në Shqipëri dhe tashmë po rikthehen drejt Kosovës.

Ky fluks i lartë i automjeteve ka sjellë ngarkesë edhe në Rrugën e Kombit, veçanërisht në segmentin Tuneli i Kalimashit–Kukës–Morinë, ku qarkullimi vijon të jetë i dendur