Fluks i lartë në kufi, radhë kilometrike automjetesh në Kakavijë

Fluks i lartë lëvizjesh është regjistruar këtë fundjavë në pikat e kalimit kufitar të juglindjes së vendit, duke sjellë radhë të gjata automjetesh në Kakavijë.

Qindra emigrantë shqiptarë që jetojnë dhe punojnë jashtë vendit po kthehen në Shqipëri për të kaluar pushimet verore, duke rritur ndjeshëm numrin e udhëtarëve në kufi.

Raportohet se në pikën kufitare të Kapshticës janë regjistruar 8,630 hyrje dhe 3,769 dalje, ndërsa në Qafë Thanë kanë hyrë 6,174 shtetas dhe kanë dalë 5,070 të tjerë.

Në total, vetëm në këto dy pika kufitare janë regjistruar 14,804 hyrje dhe 8,839 dalje, ose 23,643 lëvizje në të dyja drejtimet.

Për të përballuar fluksin e lartë dhe për të shmangur pritjet e gjata, autoritetet kufitare kanë shtuar kapacitetet dhe kanë përforcuar sportelet e kontrollit.

Ndërkohë, radhët e gjata të automjeteve në pikën kufitare janë shoqëruar me pritje të konsiderueshme për udhëtarët.