Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Furgonët pa licencë po zhvatin qytetarët: Çmimi i biletës dyfishohet papritur në Kurbin
PiranjatPërditësimi i fundit 9 Prill 2026, 14:16
Një qytetar ka denoncuar një situatë shqetësuese në zonën e Kurbinit, ku sipas tij, çmimi i biletës për transportin me furgon është rritur në mënyrë të pajustifikuar brenda pak ditësh.
Sipas denoncimit, në segmentin nga Laçi deri në kryqëzimin e Zhejës, një distancë rreth 3 kilometra, tarifa është dyfishuar nga 500 lekë në 1000 lekë për pasagjer.
Qytetari ngre shqetësimin se kjo rritje nuk shoqërohet me asnjë arsye apo vendim zyrtar.
Ai e krahason këtë me linjën Laç–Tiranë, e cila për një distancë rreth 40 kilometra kushton rreth 3000 lekë, duke theksuar se çmimi për një segment kaq të shkurtër është i pajustifikueshëm dhe rëndon mbi qytetarët.
Sipas tij, situata është përkeqësuar gjatë javës së fundit, ku janë shtuar mjetet që operojnë pa licencë. Ai pretendon se disa prej drejtuesve të furgonëve ushtrojnë presion ndaj qytetarëve, duke i lënë në rrugë nëse nuk pranojnë të paguajnë tarifën e rritur.
Një tjetër shqetësim i ngritur është mungesa e biletave, çka sipas qytetarit lidhet me faktin se një pjesë e mjeteve operojnë në mënyrë të paligjshme.
Qytetari u bën thirrje autoriteteve që të ndërhyjnë për të verifikuar situatën dhe për të marrë masa ndaj abuzimeve, duke mbrojtur qytetarët nga çmimet e pajustifikuara dhe shërbimet jashtë standardeve.
"Dua te bej publike nje skandal qe ndodu ne zonen e kurbinit e paprecedent nga Laci deri ne kryqezim te Zhejes distance 3 klm shoferat e fugonava nga 500 lek e kane bere 1000 lek me qfare probaliteti apo preteksi eshte rrit bileta nderkohe qe Lac – Tirane eshte 40 klm dhe bileta eshte 3000 lek po rrjepin qytetaret ju lutem bejeni publike se shumica jane dhe pa licensa dhe u bejne presjon fukarenjeve duke i lene ne toke dhe me pague se sben 1000 nderkohe qe ka qene 500 lek bilete dhe taksigjite ne Tirane dhe Rinas nuk fitojne aq shume. Ka nja nje jave nuk ka me skandal dhe jane ba nja 10 fugona e sharona pa licensa. Dyfishi i biletes nuk i bjen le qe tre klm 1000 lek e tjetri per tr 40 klm 3000 nuk ndodh as ne bagladesh. Bileta ste japin se jane pa licensa shumica prej tyre", shkruan qytetari.
