Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Gazetari Italian ngre alarmin: Mafia shqiptare në Itali po forcohet, tregu i drogës në duart e tyre
PiranjatPërditësimi i fundit 18 December 2025, 10:25
Gazetari investigativ italian Giuseppe Bascietto ka deklaruar se mafia shqiptare është bërë një realitet i strukturuar dhe ekspansionist në juglindje të Italisë, veçanërisht në Sicilinë juglindore.
Sipas tij, gjatë pesëmbëdhjetë viteve të fundit, struktura kriminale e kësaj zone ka ndryshuar rrënjësisht; nuk bëhet fjalë as për një fenomen folklorik dhe as për një thjesht ndërrim brezash, por për një riorientim të thellë të ekuilibrave mafiozë.
''Mafia shqiptare nuk po e pushton Sicilinë, po bën diçka më inteligjente: po integrohet në strukturat ekzistuese, duke shfrytëzuar boshllëqet, pauzat dhe përçarjet brenda Cosa Nostra-s'', ka deklaruar Bascietto në emisionin “UnoMattina” në RAI.
Në zonën Vittoria–Gela–Comiso, marrëdhëniet nuk janë më si dikur, kur shqiptarët shiheshin si “manovalanë”, një forcë pune e përdorur nga strukturat lokale. Sot kemi një bashkëpunim të qartë funksional: Cosa Nostra ofron kontaktet lokale dhe kontrollin e territorit, ndërsa grupet shqiptare kontrollojnë tregun, duke importuar drogë, duke u marrë me logjistikën dhe ekzekutimet.
Por Bascietto thekson se në zonat ku Cosa Nostra është e dobët ose e fragmentuar, si në qytetin e Vittoria-s, shqiptarët nuk kërkojnë aleanca, por thjesht marrin kontrollin.
Sipas tij, “Vittoria sot flet shqip sa i përket mafies, sepse pothuajse i gjithë tregu i drogës është në duart e shqiptarëve”.
Ndërkohë, në Palermo, ku Cosa Nostra mbetet e fortë, strukturat shqiptare nuk kanë arritur të depërtojnë në mënyrë domethënëse.
