16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Gazetari në protestë: Diaspora do t’ua kthejë reston, shtatori do të jetë për Shqipërinë
PiranjatPërditësimi i fundit 14 August 2026, 22:02
Gazetari i News24, Osman Stafa, mori fjalën në protestën e 76-të kundër qeverisë dhe e cilësoi tubimin si një moment të veçantë në historinë e protestave në vend.
Stafa u ndal te pjesëmarrja e qytetarëve dhe veçanërisht te diaspora shqiptare. Ai theksoi se shumë prej tyre janë larguar nga Shqipëria për shkak të mungesës së mundësive për të ndërtuar jetën dhe të ardhmen në vend.
Në fjalën e tij, gazetari ngriti edhe shqetësime për sistemin shëndetësor, duke përmendur rastet e pacientëve që, sipas tij, përballen me probleme dhe mungesë të trajtimit të duhur.
Stafa vuri në dukje gjithashtu se protestuesit nuk janë tërhequr nga temperaturat e larta dhe se pjesëmarrja në tubim tregon, sipas tij, pakënaqësinë e qytetarëve ndaj situatës politike dhe sociale në vend.
“Ky shesh nuk e duron dot më vjedhjen, shpopullimin. Diaspora erdhi, zemra e Shqipërisë. Diaspora, e cila u detyrua që të largohej nga Shqipëria. Faleminderit diasporë, që nuk e braktisni këtë komb.
Është historike kjo protestë që ndodhi në Shqipëri, në këtë shesh. Jemi në ditët më të nxehta të verës, por si trembi shqiptarët? I ka bërë që të prishin planet dhe të jenë këtu në shesh. Po vjen shtatori. Shtatori do të jetë për Shqipërinë, jo për partinë”, tha ai.
