Gjenden 5 celularë në paraburgimin e Durrësit, ishin në sektorin ku ndodhet Erion Veliaj

Drejtoria e Përgjithshme e Burgjeve ka ushtruar kontroll në ambientet e paraburgimit të Durrësit, ku janë gjetur dhe sekuestruar 5 aparate celularë. Kontrolli është kryer në kuadër të masave për forcimin e sigurisë dhe evidentimin e sendeve të ndaluara në institucionet penitenciare.

Pajisjet celulare janë sekuestruar dhe i janë dorëzuar BKH. Pesë telefonat janë gjetur në sektorin B të burgut të Durrësit, ku ndodhet kryetari i Bashkisë së Tiranës, Erion Veliaj dhe disa ish-zyrtarë të tjerë.