Një operacion i pazakontë është ndërmarrë në Shtetet e Bashkuara të Amerikës, ku mijëra trungje pemësh j...
AKTUALITET
Gjendet i pajetë një 42-vjeçar, nëna e tij vret veten. Dyshimet e para
PiranjatPërditësimi i fundit 20 December 2025, 10:32
Një ngjarje e rëndë u regjistrua në Lezhë, ku 42-vjeçari A. M. u gjet pa shenja jete në dyqanin e tij në lagjen Gurra, ndërsa paraprakisht dyshohet se vdekja ka ardhur për shkaqe natyrale.
Pas këtij lajmi, nëna e tij, 72-vjeçarja P. M., u gjet e pajetë në banesën e familjes në fshatin Lalm i Ri. Pas marrjes së lajmit për humbjen e jetës së djalit të saj, në gjendje të rënduar psikologjike, dyshohet se 72 vjeçarja ka varur veten.
Trupat janë dërguar për ekspertizë mjekoligjore për të përcaktuar shkaqet e sakta të humbjes së jetës.
Njoftimi i Policisë:
Lezhë/Informacion paraprak
Rreth orës 19:30 të mbrëmjes së djeshme, në lagjen Gurra, Lezhë, në dyqanin e tij me vegla pune, është gjetur pa shenja jete shtetasi A. M., 42 vjeç, banues në fshatin Lalm, Lezhë. Nga veprimet e para hetimore nuk janë konstatuar shenja dhune dhe paraprakisht dyshohet se vdekja ka ardhur për shkaqe natyrale.
Ndërkohë, dyshohet se nëna e tij, shtetasja P. M., 72 vjeçe, pas marrjes së lajmit për humbjen e jetës së djalit të saj, në gjendje të rënduar psikologjike, dyshohet se ka varur veten e cila u gjet e pajetë nga familjarët në ambientet e banesës në fshatin Lalm i Ri, Lezhë.
Trupat e pajetë janë dërguar në Institutin e Mjekësisë Ligjore në Tiranë, për kryerjen e ekspertizës mjekoligjore dhe përcaktimin e saktë të shkakut të humbjes së jetës.
