Gjiri i Lalëzit nën kërcënimin e flakëve, zjarr pranë vilave dhe hoteleve

Një zjarr masiv ka përfshirë mbrëmjen e sotme zonën e Gjirit të Lalëzit.

Flakët janë përhapur duke iu afruar banesave dhe hoteleve, ndërsa ende nuk dihet nëse zjarri ka shkaktuar dëme materiale.

Gjiri i Lalëzit është një prej zonave më të njohura turistike dhe rezidenciale në bregdet, ku gjatë viteve janë ndërtuar vila, komplekse banimi, resorte dhe hotele.

Zona njihet gjithashtu për banesat dhe vilat që zotërohen apo frekuentohen nga politikanë, biznesmenë, personazhe të njohur dhe njerëz me pushtet.