Gjirokastër/ Pa larje dhe dezinfektim, kazanët e mbeturinave kthehen në burim ndotjeje

Temperaturat e larta të ditëve të fundit kanë rikthyer shqetësimet për menaxhimin e mbetjeve urbane në qytetin e Gjirokastrës.

Në shumë lagje, kazanët e mbeturinave paraqiten të mbushur, ndërsa edhe pranë atyre që janë bosh ndihet një erë e rëndë, duke ngritur dyshime për mungesën e pastrimit dhe dezinfektimit të rregullt.

Banorët shprehen se, përveç pamjes së pakëndshme, era e keqe është kthyer në një shqetësim të vazhdueshëm, veçanërisht gjatë orëve të nxehta të ditës.
Ata kërkojnë ndërhyrje të menjëhershme nga institucionet për larjen dhe dezinfektimin periodik të kazanëve, duke theksuar se situata përbën jo vetëm një problem mjedisor, por edhe një rrezik të mundshëm për shëndetin publik./Piranjat News