Zbardhet takimi i ministrit të ri të Brendshëm, Ervin Demo, me drejtuesit e policisë në qarqe. Mësohet se fokusi i takimit ka qe...
AKTUALITET
GJKKO gjobit avokatët, Haxhia: Të detyruar të zbatojnë vendimin e Dhomës, ndryshe u hiqet licenca!
PiranjatPërditësimi i fundit 21 Shtator 2026, 12:55
Pas hyrjes në fuqi të rregullores së re, GJKKO ka nisur të vendosë gjoba ndaj avokatëve që po bojkotojnë seancat gjyqësore.
Gjatë procesit gjyqësor për vrasjen e Vajdin Lamajt dhe Klodian Saliut, trupa gjykuese ka gjobitur me nga 50 mijë lekë të rinj më shumë se 10 avokatë të të pandehurve.
Në lidhje me vendimin e gjykatës, kreu i Dhomës Kombëtare të Avokatisë Maks Haxhia tha se avokatët ushtrojnë profesionin në bazë të një ligji të miratuar nga Parlamenti dhe se vendimet e Këshillit të Përgjithshëm të Dhomës së Avokatisë janë të detyrueshme për t’u zbatuar.
“U vura në dijeni në lidhje me gjobat e aplikuara nga GJKKO dhe nuk dua të etiketoj dhe të them fjalë, por një gjë po them: avokatët kanë një ligj të miratuar nga Parlamenti i Shqipërisë, në bazë të Kushtetutës, në bazë të të cilit ushtrojnë profesionin”, u shpreh Haxhia.
Ai theksoi se në rast të shkeljes së vendimeve të Këshillit të Përgjithshëm ndaj avokatëve mund të merren masa, ndërsa shtoi se, në rastin konkret, gjobat e vendosura nga GJKKO nuk do të duhej të ishin marrë.
“Alternativat janë: vokatët të mos respektojnë vendimet e Këshillit të Përgjithshëm dhe, t’u hiqet licensa apo të merren masa administrative, që është gjoba në proces, e cila nuk do duhej të merrej”,- tha Haxhia.
Haxhia bëri me dije se avokatët e gjobitur do të ankimojnë vendimet.
“Ndërkohë që të gjithë avokatët që janë gjobitur, në respekt të tyre, do të bëjnë ankim”, deklaroi ai.
